Түркиядагы көңүл ачуучу жайдан төрт кыргызстандык кыз кармалды

Түркиянын Памуккале шаарында полиция тарабынан мыйзамсыз иштеп жаткан чет элдиктерге каршы рейд өткөрүлдү. Бул тууралуу Түркиянын ЖМКлары маалымдашты.  

Жүргүзүлгөн операцияда Памуккале шаарынын бир катар көңүл ачуу борборлорунда иштеп жаткан 20 чет элдик кыз кармалган.

Алардын арасында өзбекстандык сегиз кыз, Кыргызстандан төрт кыз, Казакстандан эки, Азербайжандан беш, Ирандан бир аял бар болгон.

Кыздар Денизли шаарындагы миграция кызматына жеткирилди, аларды депортация күтүүдө.