Түп районунда болгон өрттөн эки бала каза тапты

Түп районундагы Сары-Булуң айылынын Жаштык көчөсүндө үйдүн сарайында чөп өрттөнүп, тилсиз жоодон эки бала каза тапты. Бул тууралуу Өзгөчө кырдаалдар министрлигинин басма сөз кызматынан кабарлашканын “Барометр” билдирет.

Өрттү өчүрүүгө Түп районундагы №34 өрт өчүрүүчү жайдын унаасы тартылды.

Саат 17:45те өрт толугу менен өчүрүлдү.

Кырсыктан улам 2017-жылы туулган кыз жана 2015-жылы туулган бала каза тапты.

Баардыгы болуп 600 түк чөп күйүп кетти. Кырсыктын себептери такталууда.