Тажикстанда окуучулар 16-августка чейин каникулга тарады

Тажикстанда коронавируска каршы күрөшкөн республикалык штабдын чечими менен мектептердеги каникул 16-августка чейин узартылды.

Asia Plus басылмасынын жазышынча, 17-августтан тарта окуу башталат. Окуучуларды кийинки класска көчүрүү боюнча иш-чаралар алардын сентябрдан тарта апрелге чейинки окуу учурундаги ийгиликтери эске алынат.

9 жана 11-класстар үчүн бүтүрүү экзамендери 15-июндан 24-июнга чейин өтөт.

Эске салсак, 27-апрелден тарта Тажикстандагы бардык мектептерде, колледждерде жана училищелерде 10-майга чейин каникул жарыяланган болчу.

Кыргызстанда бардык билим берүү мекемелери дистанттык түрдө окуп жатат. Билим берүү жана илим министрлиги 4-чейректи бардык мектептер дистанттык түрдө аяктай турганын билдирген.