Таиландда турист 10 кабатка барабар бийиктиктен секирип, аркан үзүлүп кулап түштү

Тайландда кытайлык турист 10 кабатка барабар болгон бийиктиктен секирип, аркан үзүлүп кетип кулап түштү. Бул тууралуу чет элдик басылмалар жазган маалыматка шилтеме берип “Барометр” билдирет.

Гонконгдон келген турист банджи-джампингден секирип жатып кулап түшкөн. 

Бирок, ал бактыга жараша сууга түшүп аман калган. 

Турист Таиланддын Паттайя курортунда эс алып жүргөндө 10 кабаттуу имарат менен барабар бийиктиктен секирген. Бактыга жараша, мындай экстрималдуу спорт суунун үстүнө уюштурулгандыктан, кытайлык адам аман калган. 

"Аркан күтүлбөгөн жерден үзүлүп кетти, мен сол жагым менен сууга түштүм, оор жаракат алдым. Кимдир бирөө мени сабап салгандай сезилди", - деди Майк CNN телеканалына берген маегинде башынан өткөн окуяны сүрөттөп жатып. 

Ал сейил бакка ок атуу үчүн гана барганын, бирок досторунун көндүрүүсүнөн кийин, банджи-джампингден секиргенин белгиледи.    

Жабырлануучунун айтымында, сууга түшкөндө буттары үзүлгөн арканга байланып калган.    

«Эгерде мындай кырдаалда адам сууда сүзгөндү билбесе, анда анын аман калуусу күмөн», - деп эскертти ал экстремалдык спорттун потенциалдуу күйөрмандарына.      

Майк басылмага билдиргендей, сейил бактын ээси анын секирүү үчүн берген акчасын кайтарып, Таиландда рентген жана УЗИге кеткен чыгымды төлөп берген.   
   

Сейил бактыг ээси өзгөчө кырдаал чындап эле болгонун тастыктап, анын жашоосунда биринчи жолу аркан үзүлгөнүн айтты.        

"Аркан үзүлгөндөн кийин биздин кызматкерлер аны дароо суудан алып чыгып, анын акыбалын сурашты. Ал оорутууну сезгенин айтты. Ошондуктан биз аны ооруканага алып бардык", — деди ал.       

Ошондой эле Майк секирүү алдында биздин келишимге кол койгонун кошумчалады. Ал журналисттерге Майктын кол койгонун сканерин, ошондой эле Таиланддагы медициналык эсептердин көчүрмөлөрүн жөнөттү.         

"Биздин кызматкерлер туристке эгер кырсык болуп кетсе, компания дарыланууга кеткен чыгымды компенсациялай турганын түшүндүрүштү. Бирок кардар башка нерсени талап кылууга укугу жок", - дейт сейил бактын ээси.