Сузакта таш салынган дөңгөлөктү аялынын мойнуна кийгизип алып сабаган киши кармалды (Видео)

Социалдык тармактарга аялынын моюнунан дөңгөлөк байлап, чакалап суу чачып жаткан видео тараган. Бул тууралуу  Жалал-Абад ОИИБдин Басма сөз кызматынын испектору Шеркул Турганбаев  билдирди.

Бул окуя 2020-жылдын 8-июнь күнү 11:00 чамаларда Сузак районундагы айылдардын биринде орун алган. Сузак районунун 1969-ж.т. тургуну Б.З. үйүндө 1973-ж.т. М.Д. аттуу аялынын моюнуна дөңгөлөк байлап, колун бууп, чакалап суу чачкан.

Окуя боюнча М.Д. 11-июнь күнү Сузак РИИБне арызданган.

Бул боюнча Сузак РИИБдин КЖБРне КРнын Жоруктар жөнүндө кодексинин 75-беренеси Үй-бүлөдөгү зомбулук катары катталып, тиешелүү материалдар топтолгон соң КРнын Жазык кодексинин 144-беренеси (Уруп-согуп кыйноо) болуп өзгөртүлгөн.

Күйөөсү Сузак районунун 1969-ж.т. тургуну Б.З. кече 11-июнда 18:00 чамаларда Сузак РИИБдин убактылуу кармоочу жайына киргизилген.