Токтогул суу сактагычына суунун агып кирүүсү 153% болууда

28-апрелге карата маалымат боюнча Республиканын аймагындагы көпчүлүк дарыяларда абанын температурасы жогорулашына байланыштуу суунун деңгээли  1-9 см, ал эми Күмүш Тоо,  Нарын (Нарын ш.), Кара Кулжа дарыяларында 15-23 см көтөрүлдү. Бул тууралуу ӨКМдин Басма сөз кызматы билдирди. 

Республиканын аймагындагы көпчүлүк дарыяларда суунун агымы көп жылдык байкоолордун ченеминде  жана жогорку ченемдеги  агымда байкалып 82-314%ды түздү. Төмөнкү ченеминдеги агым:  Көгарт, Куршаб,  Доңуз Тоо, Зергер, Ак-Буура, Исфайрам-Сай  дарыяларында, 36-79%да, байкалды.  
Өлкө аймагындагы суу сактагычтарга суунун кирүүсү Орто-Токой - 126%, Киров -32%, Токтогул - 153% ченемди түздү.