Сүрөп туралы! Балбан Атабек Азисбеков бүгүн финалдык беттешке чыгат

Кыргызстандык балбан Атабек Азисбеков Казакстандын Алматы шаарында өтүп жаткан күрөш боюнча Азия чемпионатында финалга чыкты.

Ал бүгүн, 13-апрелде грек-рим күрөшү боюнча мелдеште 87 килограммга чейинки салмак ченинде чыгат.

Чейрек финалда кыргызстандык балбан Тажикстандын спортчусу менен кез келип, аны мөөнөтүнөн мурда жеңип алган.

Жарым финалдык беттеште Азисбеков кореялык спортчу менен беттешип, аны 5:3 эсебинде жеңди.

Финалда кыргызстандык балбан ирандык спортчу Насер Гасем Ализаде менен беттешет. Финалдык беттеш бүгүн, 13-апрель Бишкек убактысы боюнча саат 18:00дө башталат.