Өспүрүмдү отвертка менен сайгылаган жигит 4 жылга кесилди

Чүй областынын Москва райондук соту тарабынан 1988-жылы туулган М.Э.ге карата өкүм чыгарылды. Бул тууралуу соттун чечиминде айтылат.

Эскерте кетсек, 2018-жылдын 23-октябрында саат 17:30да Ак-Суу айылындагы үйлөрдүн биринде мас болуп алган 30 жаштагы жигит 2002-жылы туулган өспүрүмгө күч колдонуп, анын денесин, бетин отвертка менен сайгылаган.

Мунун кесепетинен жаш өспүрүм ооруканага жаткырылган.

Бул кылмышы үчүн  М.Э. төрт жылга абакка кесилди.