Сокулукта 17 жаштагы кыз эки жумадан бери дайынсыз болуп изделүүдө

Сокулук районунун милициясы дайынсыз жоголгон 2004-жылы туулган Өмүрбек кызы Айжанатты издөөдө. Бул тууралуу Чүй ОИИББинин басма сөз кызматына шилтеме берип “Барометр” билдирет.

Маалыматка ылайык, Айжанат 19-майда Алтын-Ордо конушундагы үйүнөн чыгып кеткен жана ушул күнгө чейин кайтып келе элек.

Белгилери: бою 150-155 см, орто дене түзүлүштө, чачы узун, көзү күрөң.

Ошол эле учурда, жашы жете элек өспүрүм үйүнөн бир нече жолу качып кетип, бирок полиция кызматкерлери тарабынан кайтарылып берилгендиги кабарланууда.

Эгерде кимде-ким сүрөттөгү кызды көргөн болсо, төмөндөгү телефон аркылуу кабарлап коюуну суранабыз: Чүй ОИИБдин нөөмөт бөлүмү (0312) 43-01-27, (0312) 43-88-85, Сокулук районунун ички иштер башкармалыгы (0312) 60-75-67, 0558 86 14 86.0701 80 18 03.