Сүйүнчү! Айсулуу Тыныбекова Польшадагы Poland Open мелдешинде алтын медалды багындырды (видео)

Айсулуу Тыныбекова Польшада өткөн күрөш боюнча эл аралык турнирдин жеңүүчүсү болду.

Кыргызстандык балбан кыз  6-ноябрда 62 килограмм салмактагылар арасындагы мелдеште күч сынашты.

Ал орусиялык Ульяна Тукуренованы ишенимдүү жеңиш менен баштап, аны мөөнөтүнөн мурда 12:3 эсебинде жеңип, кармаштын башталышында 0:3 эсебинде жеңишке жетишти.

Экинчи жолку баскычта Тыныбекованын атаандашы учурдагы Африка чемпиону, тунистик Марва Амри болду. Беттеш башталгандан 72 секунддан кийин эле Амри 8:0 эсебинде алдыда келе жаткан. Мелдештин экинчи мезгилинде Тыныбекова чабуулга өтүп, 40 секунд ичинде атаандашынын даалысын жерге тийгизип, жеңишке жетишти.

Финалдык беттеште Тыныбекова орусиялык Анжелага каршы күрөшүп, 9:0 эсебинде ишенимдүү жеңишке жетип, алтын медалды жеңип алды.

Эскерте кетсек, 5-ноябрда, эркин күрөш боюнча дүйнө чемпиону Айсулуу Тыныбекова Варшавага аялдар күрөшү боюнча эл аралык турнирге жөнөп кеткен.