Шашылыш эскертүү: 15-16-июнда мөндүр жаап, сел жүрүшү күтүлүүдө!

15-июнда күндүз жана 16-июнда Кыргызстанда туруксуз аба ырайы күтүлөт: мезгил-мезгили менен жаан жаап, күн күркүрөп, тоолуу аймактарга кар түшөт. Бул тууралуу Өзгөчө кырдаалдар министрлигинен кабарлашты.

Чүй, Талас, Жалал-Абад областарында Ысык-Көл дубанынын чыгыш тарабында жаан-чачын катуу жаайт.Тоо этектеринде жана тоолуу райондордо мөндүр жаашы күтүлүүдө. Абанын температурасы бир аз төмөндөйт.     

15-16-июнда нөшөрлөп жааган жамгырларга байланыштуу республиканын тоолуу аймактарында сел жүрүшү ыктымал.