Шашылыш билдирүү. Тоолорго кар жаайт

12-июнга чейин Кыргызстанда туруксуз аба ырайы болот. Бул туурасында ӨКМнын маалымат кызматы кабарлады.

Билдирүүгө караганда Ош, Жалал-Абад, Баткен жана Ысык-Көл областарынын айрым райондорунда жамгыр жаайт. Тоолуу жана тоо этектериндеги аймактарда мөндүр жана кар жаашы күтүлөт.  

Батыштан соккон шамалдын ылдамдыгы секундасына 4-9 метрге, айрым аймактарда секундасына 15-20 метрге жетет.

Мындай туруксуз аба ырайы айыл чарба, энергетикалык жана коммуналдык кызматтардын иштеринде кыйынчылык жаратат.