Россияда аюу эркек кишини кубалап барып балмуздагын тартып алды (Видео)

Россияда аюу эркек кишини кубалап барып, балмуздагын тартып алды. Бул тууралуу видео тасманы балмуздагын тарттырып жиберген Сергей Карсановдун социалдык баракчасына шилтеме берүү менен “Барометр” которду.

Видеодо адамды кубалап келе жаткан аюуну көрүүгө болот. Кадр сыртындагы адам “Ага бир нерсе ыргыт”- деп сүйлөп жатат. Чуркап келе жаткан адам аюга өзүнүн балмуздагын берип токтотту.

Интернет айдыңына тараган коркунучтуу тасмага Москва облусунун тургуну Карсанов төмөндөгүчө түшүндүрмө берди.

“Аюу жапайы эмес, бакма. Ал адамдарга кол салууга болбойт экенин билет. Аты Том”, - деп жазган.

Социалдык тармакка тасма тарагандан кийин мамалак Томдун өзүнүн күйөрмандары пайда болду.