Рамзан Кадыров Молдокматовага бриллиант менен кооздолгон зер буюм белекке берди (Видео)

Чечен Республикасынын президенти Рамзан Кадыров коомдук ишмер Ассоль Молдокматованын туулган күнүнө бриллиант таштары менен кооздолгон зер бумдарын кучак толо гүл менен кошо белекке Кыргызстанга жиберди. Бул тууралуу коомдук ишмер өзү билдирди.

Жакында гана Данга аттуу чечен карыясын мекенине жеткирип барган Ассоль Молдокматованы Рамзан Кадыров кымбат баалуу таштар менен кооздолуп жасалган зер буюму менен сыйлады. Эскерте кетсек, Данга 76 жылдан бери мекенин кайта алган эмес.

Рамзан Кадыров атасынын атындагы Ахмат-Хаджы коомдук фондунан Данга Битаев жашаган карылар үйүнө 30 миң доллар которгон.

 “Туулган күнүмдү “Ак-Кеме” обсервациясында тоздум. Коронавируска тест тапшырдым, жыйынтыгы таза чыкты. Курбуларым менен чакан туулган күн өткөрүү үчүн кыргыз бермети Ысык-Көлгө кеттим”, - деп жазган ал.

Жыл сайын Молдокматова туулган күнүндө “Үмүт-Надежда” балдар үйүнө барып дастаркон жайып келет. Анда ДЦП оорусуна чалдыккан томолой жетим балдар жашайт.

Белгилей кетсек, Ассоль Молдокматова коронавирус илдети күч алып баштаганда “Жакшылык штабын” түзүп, 175 миңдей адамга кол сунуп жардам берген.

“Ачка калган балдарды, картаңдарды көрүп, алардын көптүгүн байкаган соң унаамды сатып, аларга жардам берип баштадым”, - деп жазган Молдокматова.