Рамзан Кадыров үйлөнө турган 207 жигитке калың төлөөгө 50 миң рублдан берет

Чеченстандын лидери Рамзан Кадыров үйлөнө турган 207 жигитке калың төлөөгө жардам берет. Бул тууралуу аталган өлкөнүн Дин башкармалыгы социалдык баракчаларынын бирине жазып чыкты.

Ал атасы Ахмат Кадыров атындагы фонддон ар бир жигитке 50 миң рублдан бөлүп бермей болду.

«Пандемиянын жаралышынан улам каражаттан кыйынчылык тартып, бирок үйлөнүүнү каалаган жигиттерге жардам иретинде берилет”, – деп жазылат маалыматта.

Пандемияга байланыштуу аталган өлкөдө той өткөрүү эрежелери дагы өзгөргөн. 

Муфтият 25-майга чейин тойлорду чоң шаң-шөөкөт менен өткөрүүгө тыюу салган. 

Чакан тойго эки жаштын жакындары гана катышууга болот деген чечим чыккан.