Тоңдо унаа оодарылып бир аял жана жаш бала каза болду (Сүрөт)

Тоң районунда жол кырсыгына кабылган унаадан 2 адам каза болуп, дагы экөө жабыркады. Бул тууралуу ӨКМдин басма сөз кызматына шилтеме берип “Барометр” билдирет.

Кечээ,Ысык-Көл облусунун Тоң районунда Бөкөнбаев айылынын Кум-Дөбө тилкесинде УАЗ үлгүсүндөгү унаанын айдоочусу рулду башкара албай, ал оодарылып кеткен. Кырсыктын кесепетинен 2 адам (1 аял киши жана 1 жаш бала) каза болуп, 2 эркек адам жабыркаган.

КР ӨКМнин №38 ӨКБ куткаруучулары каза болгон жарандардын денелерин унаадан чыгарышып ИИМнин кызматкерлерине өткөрүп беришти. Жабыркаган жарандар тез жардам кызматы менен райондук ооруканага жеткирилди.