Президенттин маалымат жыйыны социалдык түйүндөрдө түз эфирде чагылдырылат

Президент Садыр Жапаров эртең, 23-октябрда атамекендик жана чет өлкөлүк жалпыга маалымдоо каражаттары үчүн ири маалымат жыйынын өткөрөт. Бул тууралуу президенттин басма сөз кызматынан билдиришканын “Барометр” маалымдайт.

Иш-чарада мамлекет башчысы өлкөнүн негизги социалдык-экономикалык көрсөткүчтөрү тууралуу маалымат берип жана ЖМК өкүлдөрүнүн суроолоруна жооп берет.

Маалымат жыйын КТРК, республикалык жана облустук телеканалдардын, ошондой эле социалдык түйүндөрдүн баракчаларында түз эфирде чагылдырылат.

Түз эфир башталышы – 23-октябрь, саат 11.00.