Полициянын унаасы ала салып кетип аялдаманын үстүнө туруп калды (видео)

Аргентинада абдан таң калыштуу окуя болду. Колония-Угес шаарынан чыгып бара жатканда Toyota Corolla унаасынын айдоочусу рулду башкара албай калып, анын кесепетинен бетондон жасалган аялдаманын үстүнө “конуп” калды.Бул тууралуу чет элдик ЖМКларга таянуу менен “Барометр” кабарлайт.

Жергиликтүү басма сөздүн берген маалыматына таянсак, унааны Сан-Хосе полиция департаментинин башчысы Луис Мартин айдап бара жаткан, ал жумушка шашып бара жаткандан улам кырсыкка кабылган.

Учурда анын кесиптештери кырсыктын себептерин такташууда. Алардын айтымында унаа жаан жаагандан кийин жолдон тайгаланып бир нече ирет сальто жасаган жана соңунда аялдаманын үстүнө туруп калган.Ал эми айдоочу аман-эсен жана жеңил жаракат алганы айтылды.