Ошто коронавирус аныкталган үйлөр дезинфекцияланды (Сүрөт)

Ош шаарында коронавирус илдети аныкталган жарандардын жашаган жерлери залалсыздандырылды. Бул тууралуу  ӨКМдин басма сөз кызматына таянып "Барометр" билдирет. 

Өлкө аймагында коронавирустун жайылуусун азайтуу жана ага бөгөт коюу максатында ӨКМдин Ош шаардык башкармалыгы тарабынан шаардагы ири делген Бостон, Келечек, Тешик-Таш, борбордук базарлары жана унаа тетиктерин саткан Кудайберген базары дезинфекцияланды.

Ошондой эле, коронавирус илдети аныкталган жарандардын жашаган үйлөрү, көчөлөрү, убактылуу жата турган обсервациялар, күндүзү кабыл алуучу стационарлар залалсыздандырылды. 

Бул иш-аракеттер өлкөнүн бардык аймактарында улантылууда.