Ошто Араван каналына эки бала чөгүп кетти

Ошто, Араван каналына эки бала чөгүп кетти. Бул тууралуу Өзгөчө кырдаалдар министрлигинин (ӨКМ) басма сөз кызматына таянып "Барометр" билдирет.

Кечээ, 20-августта Туран кичи районунда Күренкеев жана Алыкулов көчөлөрүнүн кесилишинде жайгашкан Араван каналына 2011 жана 2012 жылы туулган эки жаш бала чөгүп кеткен. Бүгүн издөө иш-чараларын улантуу максатында КР ӨКМнен жалпы 22 куткаруучу тартылып, издөө иштеринин натыйжасында саат 07:30 чамасында 2011-жылы туулган жаш баланын жансыз денеси табылып, туугандарына өткөрүлүп берилген. Учурда экинчи баланы издөө иш-чаралары жүргүзүлүүдө. Кошумча маалымат берилет.