Ошто 11 күндөн бери дайынсыз болгон жигит изделүүдө

Ош шаарында 11 күндөн бери дайынсыз болгон 33 жаштагы жаран изделүүдө. Бул тууралуу ӨКМнын басма сөз кызматына шилтеме берип “Барометр” билдирет.

“Ош шаарында 1988-жылы туулган эркек киши 17-май күнү үйдөн чыгып кеткен бойдон дайынсыз жоголгон. Аталган жарандын жеңил унаасы, унаа базардын жанынан Кайырма суусунун жээгинен табылган. 27-май күнү издөө иштерин жүргүзүү үчүн ӨКМнин Ош шаардык куткаруу кызматынын куткаруучулары тартылды”,- деп айтылат маалыматта.

Эскерте кетсек, учурда издөө иштери улантылып жатат.