Ош-Бишкек унаа жолуна кар жаап, оор жүк ташуучу унааларга чектөө киргизилди

Бишкек-Ош унаа жолундагы Ала-Бел ашуусуна кар жаап жаткандыктан оор жүк ташуучу унааларга чектөө киргизилди . Бул тууралуу ӨКМнын маалыматына таянып “Барометр” билдирет.

Маалым болгондой, Жалал-Абад облусунун Токтогул районундагы  Ала-Бел жана Төө-Ашуу ашууларында кар жаап жаткандыгына байланыштуу, жол тыгындарын алдын алуу максатында, саат 21:00дөн баштап Бишкек - Ош унаа жолунун 271-чакырымында (Арал посту) оор жүк ташуучу унаалардын бардык түрүнө чектөө киргизилди.

Ал эми жеңил унаалар өтүүдө.

Жолдун ачылышы тууралуу маалымат  алууда 112 номерине байланышсаңыздар болот.