Орозо качан башталары Аалымдар кеңишинин онлайн жыйынынан кийин белгилүү болот

Кыргызстандын Аалымдар кеңеши онлайн жыйын куруп, Орозо качан баштала турганы боюнча чечим кабыл алышат. Бул тууралуу “Барометр” маалымат агенттигине КР Мусулмандар дин башкармалыгынан кабарлашты.

Ага ылайык, Аалымдар кеңеши жакынкы 2-3 күндүн ичинде жыйынга чогулат. Ошондой эле, бул жыйында быйыл битир-садаганын көлөмү жана аны өзгөчө абал учурунда кантип чогултуунун жол-жобосу дагы каралат.

“Орозого байланышкан бардык маселелер дал ушул жыйында чечилет”, — деп маалымат кызматы билдирди.

Белгилей кетсек, бир катар мамлекеттерде Орозо 24-апрелде башталары айтылууда.