Алмазбек Орозалиев Бишкек шаардык милициясынын башчысынын милдетин убактылуу аткарат

Ички иштер министринин орун басары Алмазбек Орозалиевге Бишкек ШИИББдин жетекчисинин милдетин аткаруучу болуп убактылуу дайындалды. Бул тууралуу ИИМдин Басма сөз кызматына таянып "Барометр" билдирет.

 ИИМдин орун басары Алмазбек Орозалиев Бишкек ШИИББдин  кызматтык ишмердүүлүгү боюнча куратору болуп саналгандыктан Бишкек ШИИББдин башчысынын милдетин убактылуу аткаруу милдети жүктөлдү. Ал эми учурдагы Бишкек ШИИББдин башчысы Канат Джумагазиев парламенттик шайлоого катышып жаткандыктан, өзүнүн кызматтык милдеттерин аткаруу убактылуу токтотулду.