Оор акыбалдагы бейтаптын кайрымдуулуктан чогулган акчасын уурдоого шектүүлөр кармалды

Жалал-Абадда бир нече батирге уурулук жасаган шектүүлөр кармалды. Бул тууралуу Жалал-Абад ОИИБдин маалымат кызматына шилтеме берип "Барометр" билдирет.

Маалым болгондой, Сузакта жарандын операциясына деп, кайрымдуулуктан чогулган акчасын урдоого шектүүлөр кармалды.

"Сузак районунун 1981-жылы туулган тургуну А.Б. арыз менен кайрылып, 2022-жылдын 25-май күнү үйүнө белгисиз кылмышкерлер эшигин бузуп киришип, жабырлануучунун жубайы 1986-ж.т. А.Н. баш мээсинде кан тамыры жарылып оор операция жасоо үчүн коомчулук тарабынан жардам катары кайрымдуулуктан чогултулган жалпы суммасы 500 000 сомдон ашуун акчасын уурдап кетишкенин билдирген.

Ал эми, ошол эле райондун 1974-ж.т. тургуну А.Г. милицияга арызданып,  2022-жылдын 9-июнь күнү белгисиз кылмышкерлер үйүндө эч ким жоктугунан пайдаланып эшигин бузуп кирип, бөлмөлөрүн чачып, бирок баалуу буюм жок болгондуктан эч нерсе албай окуя болгон жерден иизин жашырып качып кетишкендигин билдирген.

Ошондой эле, 2022-жылдын 18-июнь күнү Сузак районунун 1971-ж.т. тургуну Г.А. арызы менен кайрылган, анда 2022-жылдын 8-июнь күнү саат 9:45 тен 12:00 го чейинки аралыкта үйүндө эч ким жоктугунан пайдаланып, белгисиз кылмышкерлер базар баасы 30 000 сомдук күмүш зергерин алып үйүмдү чачып кетишиптир деп билдирген.

Жогорудагы көрсөтүлгөн фактылар боюнча Сузак РИИБдин КБРне катталып, Кыргыз Республикасынын  КЖКнин 205-беренесинин (Уурулук) негизинде кылмыш иштери козголуп, тергөө амалдары башталган.

Болуп жаткан батир уурлук кылмыш иштери боюнча алынган маалыматтардын, ошондой эле жүргүзүлгөн ыкчам иш-чараларынын натыйжасында, 2022-жылдын 19-июнь күнү Сузак районунун 39 жаштагы тургуну тургуну Н.А. Ош шаарында изин жашырып жүргөн жеринен кармалган.
Ал эми анын кылмыштуу шериги Жалал-Абад шаарынын 31 жаштагы тургуну И.Х. Жалал-Абад шаарындагы көп кабаттуу үйлөрдөн ижарага убактылуу батир алып жашынып жаткан жеринен кармалып, жашаган дарегине тинтүү жүргүзүлүп, кылмышка тиешелүү далил буюмдар алынган.
Тергөөнүн жүрүшүндө, уурулукка шектүүлөр Н.А. жана И.Х.нын баш коргоо чаралары райондук тергөө соту тарабынан каралып, 2 айлык мөөнөткө камакка алынган.
Уурулуктан жабыр тарткан атуулдарга чыгымдар жарым жартылай кайтарылып берилди.
Азыркы күндө батир уурулук фактылары боюнча ыкчам иликтөө жана тергөө амалдары улантылууда", -деп айтылат маалыматта.