Нурлан Насип Баткен элине жардам ирээтинде кайрымдуулук концертин өткөрөт

Эстрада ырчысы Нурлан Насип Москва шаарында чоң программадагы концерт коюп, түшкөн каражатты толук бойдон Баткен элине жардам кылууга которот. Бул тууралуу ырчы мырзанын соцтармактагы баракчасына жазылган маалыматка шилтеме берип “Барометр” билдирет.

Маалыматка ылайык, концерт 15-16-17-май күнү Москва шаарында өтөт. Анда ырчынын жаңы жана эски хит ырлары жаңырат.  

“Урматтуу мекендештер, Москва шаарында өтө турчу чоң программадагы концертимде 10-20 жылдыктарды күтөбүз, окуучулук күндөрдү чогу эстейли. Концерттен түшкөн акча кагылушууда жабыркаган Баткен элине жардамга кетет”, - деп жазды ырчы.