Ноокатта коронавирус жуккандардын жаш курагы айтылды

Ош облусунун Ноокат районунда коронавирус жуккан үч кишинин бары тең аялдар. Бул тууралуу өкмөттөн кабарлашты.

Ага ылайык, алардын жаш курагы 67, 71 жана 77 жашта.

«Алар изоляцияга алынып, тиешелүү дарылануу алып жатат», — деп айтылат маалыматта.

Бүгүн, 20-мартта, Саламаттык сактоо министри Космосбек Чолпонбаев Ноокат районунун үч тургунунан коронавирус аныкталганын айтып, жалпы өлкө боюнча бул оору алты кишиге жукканын билдирген.