Ноокатта 59 жаштагы медкызматкер коронавирустан көз жумду

Ноокатта медкызматкер коронавирустан каза болду. Бул тууралуу Республикалык штабка шилтеме берип «Барометр” билдирет.

Маалыматка ылайык, 59 жаштагы кызматкер Ноокат аймактык ооруканасында көз жумду.

 «Экөө ооруканага оор абалда түшүп, эки-үч күндөй жатышты. Өпкөсү иштен чыгып, түнкү саат эки чамасында каза болду. Ал (медайым) райондук ооруканада иштеген эмес. Үй-бүлөлүк дарыгерлер тобунда медайым болгон», - деп айтылат маалыматта.

Эске салсак, бир сутка ичинде өлкө боюнча 73 медициналык кызматкерге коронавирус жукту. 20 медкызматкер ооруканалардан айыгып чыкты.

Жалпысынан республика боюнча COVID-19 менен медициналык кызматкерлер арасында – 994 учур катталды, алардын ичинен 484 медкызматкер стационарлардан айыгып, 4ө каза болду.