Мультимиллионер болгон киши биринчи кезекте аялына муздаткыч сатып берди

Американын Орегон штатындагы Маунт-Вернон шаарынын тургуну лотерея билетин бекер алып, мультимиллионер болду.

UPI басылмасынын жазышынча, Роберт МакКоули Megabucks лотереясынан эмне утканын билүү үчүн барып, бекер бир билет утканын билип, аны алып үйүнө кайткан. Лотерея өткөргөн мекеменин менеджери Маунт-Вернон штатына сатылган бир билет 6,3 миллион доллар утканын билдирген.

МакКоулинин кызы атайын тиркеме аркылуу билетти текшерип, атасы ири утушка ээ болгонун айткан. Алардын үй-бүлөсү аябай кубанган.

Бир заматта миллионер болгон МакКоули уткан акчасына биринчи кезекте аялына муздаткыч, өзүнө жүк ташуучу автоунаа сатып аларын айткан.