Монголияда Чыңгыз хандын 859 жылдыгы белгиленүүдө

Бүгүн, 5-ноябрда Монголияда Чыңгыз хандын туулган күнүнүн 859 жылдыгы белгиленүүдө. Бул тууралуу чет элдик маалымат булактарына таянуу менен “Барометр” кабарлайт.

Чыңгыз хандын туулган күнү Ай календары боюнча кыштын биринчи айынын биринчи күнү белгиленет.Өткөн жылы ал 16-ноябрга туш болгон. 2019-жылы 27-ноябрда Монголияда Чыңгыз хандын туулган күнүн же болбосо Монголиянын улуттук сыймыгынын күнүн белгилешкен.

Монголиянын улуттук сыймыгынын күнү улуттук майрам болуп саналат жана расмий түрдө жумушчу эмес күн болуп белгиленген.

Бул күнү мамлекеттик сыйлык болуп эсептелген Чыңгыз хан ордени дагы өлкөгө салып кошкон инсандарга тапшырылат.