Мэрликке талапкерлердин ким экенин белгилүү болду

Кечээ, 18-августта саат 18:00дө Бишкек, Ош жана Токмок шаарларынын мэрлик кызматына талапкер болгондордун документтерин каттоого кабыл алуу аяктады. Бул тууралуу Борбордук шайлоо комиссиясынан кабарлашканын “Барометр” билдирет.

Аталган кабарга таянсак, Бишкек шаарынын мэрлигине талапкер катары Айбек Джунушалиев документ тапшырды, ал 12-августта мэрдин милдетин аткаруучу болуп дайындалган. Анын талапкерлигин Бишкек шаардык кеңешинин көпчүлүк коалициясы сунуштаган.

Ош шаарынын калаа башчылыгына жалгыз талапкер Алмаз Мамбетов болуп жатат, ал да 2-августта түштүк борбордун мэринин милдетин аткаруучу болуп дайындалган.

Токмок шаарынын мэри болуш үчүн депутаттар Урмат Самаев менен Кубатбек уулу Азат ат салышмакчы.