"Манас" аэропортундагы каттамдар тумандан улам токтотулду

"Манас" эл аралык аэропортунда түнкү саат 3:00дөн бери маал-маалы менен туман басып жатат.

Аэропорттун маалымат кызматынан кабарлашкандай, "Урал аба жолдорунун" Москва – Бишкек – Москва каттамы менен "Өзбекстан аба жолдорунун" Ташкент – Бишкек – Ташкент каттамы саат 13:00гө жылдырылган.

Аэропорттун администрациясы каттамдар боюнча маалыматтарды Бишкектен 0312 693109 телефону жана Оштон 03222 90101 номерлери аркылуу тактап алууну суранат.