Лев Толстой көчөсүнүн бир бөлүгү оңдоо иштери үчүн жабылат

14-октябрдан 17-октябрга чейинки аралыкта Лев Толстой көчөсүнүн бир бөлүгү ремонт иштери үчүн жабылат. Бул тууралуу Бишкек мэриясынын басма сөз кызматынан кабарлашканын “Барометр” билдирет.

Аталган көчөнүн 7-апрель көчөсүнөн Достоевский көчөсүнө чейинки бөлүгүндө оор жүк ташыган унаалар өтүп жолду өңгүл-дөңгүл кылып салышкандыктан бул дефекттер оңдолот

Бул көчөнү реконструкциялоо иштери 2020-жылдын октябрь айында жүргүзүлгөн. Жолдун кепилдендирүү мөөнөтү азырынча бүтө элек болгондуктан иш аткаруучу компания аны өзүнүн эсебинен оңдойт.

Альтернативдүү көчө катары айдоочуларга Анкара көчөсү сунушталып жатат.