Кыргызстандык жаш шахматчылар Шри-Ланкада өткөн мелдештен байгелүү кайтышты

Кыргызстандык мектеп окуучулары Шри-Ланкада өткөн шахмат боюнча Азия чемпионатында байгелүү орунга ээ болушту. Бул тууралуу “Барометр” маалымдайт.

Маалым болгондой, чемпионат Шри-Ланкада 7 жаштан 17 жашка чейинки улан-кыздар арасында өттү.

Анда 13 өлкөнүн спортчулары күч сынашты: Кыргызстан, Бангладеш, Индонезия, Индия, Иран, Казакстан, Малайзия, Мальдив аралдары, Монголия, Пакистан, Шри-Ланка, Түркмөнстан жана Өзбекстан.

Мелдеш 3 түр боюнча өттү: классикалык шахмат, рапид жана блиц.

Командалык эсепте үч күмүш сыйлыкты Аарон Пак жеңип алды.

17 жашка чейинкилер арасында Нурай Советбекова командалык эсепте жана шахматтын "рапид" категориясында күмүш медалга ээ болду.