Кыргызстандын маданият тармагында иштегендер милдеттүү түрдө эмделет

Кыргызстандын маданият тармагында иштегендер милдеттүү түрдө коронавируска каршы эмдөө алышы керек. Бул тууралуу Саламаттыкты сактоо министрлигинин басма сөз кызматы кабарлаганын “Барометр” маалымдайт.

Аталган кабарга таянсак, милдетүү түрдө вакцина алууга тийиш болгон жумуштардын тизмеси толукталды.

Алардын катарында музейлердин, көргөзмө залдарынын, китепканалардын, спорт сарайдын, театрлардын, кинотеатрлардын, концерттик залдардын, маданий көңүл ачуучу жайлардын, балдардын оюн аянтчаларынын, балдар лагерлеринин, ден соолукту чыңдоочу комплекстердин, фитнес-клубдардын кызматкерлери болууга тийиш.