Кыргызстандын көк-бөрү боюнча чемпиону белгилүү болду

Кыргызстандын көк-бөрү боюнча чемпионатынын финалдык беттештери кечээ, 24-октябрда жыйынтыкталды. Бул тууралуу Көк-бөрү федерациясынын социалдык баракчасына шилтеме берүү менен “Барометр” кабарлайт.

Финалда Чүй областынын жана Ош областынын командалары беттешти. Чүй областынын командасы 8:2 эсебинде жеңип чыкты.

Чемпионатка баардыгы болуп 9 команда: Чүй, Талас, Ысык-Көл, Нарын, Жалал-Абад, Ош, Баткен областтарынын жана Бишкек менен Ош шаарынын курама командалары катышкан.