Кыргызстандагы коронавирус: беш киши реанимацияда

11-апрелге карата Кыргызстан боюнча коронавирус 339 кишиге жукканы тастыкталды. Ошол эле маалда 44 киши оорудан сакайып, үйүнө чыгарылганын саламаттык сактоо министринин орун басары Мадамин Каратаев маалымат жыйында билдирди.

Ал өз сөзүндө учурда тогуз кишинин абалы оор экенин, алардын бешөө реанимацияда экенин кошумчачалады.

Белгилей кетсек, Кыргызстанда коронавирус илдети аныкталгандан бери андан 5 бейтап каза болду.

Тилекке каршы оору жуктургандардын арасында дарыгерлер дагы бар, алар 51ге жетти.