Кыргызстанда коронавирус жуккандардын саны 568 кишиге жетти

Кыргызстанда бир суткада коронавирус жуккан жаңы 14 учур катталып, өлкө боюнча оору жуккандардын жалпы саны 568ге жетти. Бул тууралуу саламаттык сактоо министринин орун басары Нурболот Үсөнбаев билдирди.

Жаңы катталган 14 учур кайсы аймактарда табылды:

Бишкек ш. – 4

Чүй облусу – 2

Ош ш. – 4

Жалал-Абад облусу - 3

Нарын облусу – 1.

Министрдин орун басары андан сырткары бир суткада эки бейтап каза болуп, жалпы каза болгондордун саны 7 кишиге жеткенин кошумчалады.