Кыргызстанда фермерлер үч жылга жер салыгын төлөөдөн бошотулду

Кыргызстанда дыйкандар жана дыйкан чарбалары үч жылга айыл чарба жерлерин пайдалангандыгы үчүн салыкты төлөөдөн бошотулду. Бул тууралуу Салык кызматынын маалыматына таянып "Барометр" билдирет.

Алсак, Кыргызстандын министрлер кабинетинин 2022-жылдын 11-мартындыгы токтомуна ылайык, 2022-жылдын 1-январынан баштап 2024-жылдын 31-декабрына чейин айыл чарба жерлерин пайдалангандыгы үчүн салыктын нөл (0) пайыз өлчөмүндө ставкасы белгиленди.