Кыргыз-Кытай чектешкен аймакта жер титиреди

Кыргыз-Кытай чектешкен аймагында күчү 3 баллга жеткен жер титирөө катталды. Бул тууралуу ӨКМдин басма сөз кызматына таянып "Барометр" билдирди.

Сейсмология институтунун маалыматына ылайык, кечээ саат 20:42де Кыргыз-Кытай чектешкен аймагында очогунда күчү 3 баллга жеткен жер титирөө катталды. Жердин силкинүүсү Ош облусунун Алай районунун Нура, Иркештам айылдарында 2,5 баллга чейин сезилген.

Жер титирөөдөн жабыркагандар жана кыйроолор катталган жок.