Кыргыз жана түрк президенттеринин жубайлары Ч.Айтматов маданият борборун ачышты

2 сентябрь 2018 22:50 2066 Элзат Нурманбетова
Бөлүшүү:
ok

Түркия  республикасынын президенти Режеп Тайып Эрдогандын Кыргызстанга болгон расмий сапарынын алкагында эки өлкөнүн президенттеринин жубайлары Айгүл Токоева жана Эмине Эрдоган бүгүн, 2-сентябрда Улуттук китепканада Чыңгыз Айтматов атындагы маданият борборунун ачылышына катышты. Бул тууралуу президенттик аппараттын басма сөз кызматы билдирди. 

Айгүл Токоева, бул борбор — эки элдин биримдигин бекемдөөгө, ынтымагын чыӊдоого данакер болот, деген ишеничин билдирди. Ал маданият очогунун түптөлүшүнө өз салымын кошкон «Тика» Түрк кызматташтык агенттигине ыраазычылыгын айтты.

1-сентябрда эки мамлекет башчыларынын жубайлары Бишкек кыргыз-түрк достугу ооруканасында болушту. Алар заманбап техника менен жабдылган бөлмөлөр, лабораториялар жана реанимациялык блоктор менен таанышты. Оорукананын курулушу жана ишке берилиши Кыргызстан менен Түркиянын  ортосундагы макулдашууга ылайык жүргүзүлүүдө. Келечекте аталган клиникада жогорку технологияны колдонуу менен түрдүү операцияларды жасоо мүмкүнчүлүгү болот.

 

Ссылка: https://barometr.kg/kyrgyz-zhana-trk-prezidentterinin-zhubajlary-chajtmatov-madaniyat-borborun-achyshty



Добавить комментарий