Түркиядагы президенттик шайлоодо бир да талапкер 50 пайыз добуш топтой алган жок

Түркияда президенттик жана парламенттик шайлоолордо добуштарды саноо аяктап баратат. Бул тууралуу түрк басылмаларына шилтеме берип “Барометр” билдирет. 

Учурда,  бюллетендердин 98,3%ы саналып бүтүп, жыйынтыгында талапкерлердин бири дагы 50% добуш ала алган эмес.

15-майда саат 9:00догу жыйынтыктар:   

Режеп Тайып Эрдоган 49,3%   

Кемал Кылычдароглу 45%     

Синан Оган  5,2%,     

Шайлоого катышкандар 87,8%,       

Шайлоо бюллетендеринин 98,38 пайызы иштелип чыкты.       

Азыркы президент Режеп Тайип Эрдоган опазициялык 6 партиянын коалициясынан чыккан талапкер Кемал Кылычдароглу менен тиреши экинчи турда да уланышы мүмкүн.        

Алдын ала маалыматтар боюнча, экинчи тур 28-майга өтүшү мүмкүн.       

Түркиянын азыркы президенти Режеп Тайип Эрдогандын Адилеттик жана өнүгүү партиясы (АКП) жетектеген «Республикалык альянс» 99,55% добуштарды санап, 49,3% же парламенттеги 600 орундун 322ге жакынына ээ болуушу мүмкүн.               

Кемал Кылычдароглунун Республикалык элдик партиясы (CHP) жетектеген «Элдик альянс» 35,19% же 212ге жакын мандатка ээ, деп билдирет ТРТ Түркиянын Борбордук шайлоо комиссиясынын маалыматына таянып.