Кыргыз-казак айтышы аяктап, жыйынтыгы жарыяланды

Токтогул Сатылганов атындагы кыргыз улуттук филармониясында 31-августта кыргыз-казак айтышынын финалы болду. Бул тууралуу Маданият министрлигинен кабарлашканын “Барометр” маалымдайт.

Иш-чара Кыргызстандын көз карандысыздыгынын 30 жылдыгына, ошондой эле кыргыз акыны Жеңижоктун 160 жылдыгына, казак акыны Жамбыл Жабаевдин 175 жылдыгына арналды.

Айтышка Кыргызстан тараптан 8, Казакстан тараптан 8 акын катышты.

Жыйынтыгында баш байгеге Асылбек Маратов, Айбек Калиев, биринчи орунга Акматбек Султан уулу, Аспанбек Шугатаев, экинчи орунга Нурмат Мансуров, Турат Жумаев, үчүнчү орунга Кубат Тукешов, Бөрүбай Орозымбетовдор татыктуу болушту.