Куванычбек Конгантиев Бишкек шаардык кеңешинин төрагасы болуп шайланды

Ата-Журт Кыргызстан партиясынан депутат шайланган Куванычбек Конгантиев Бишкек шаардык кеңешинин төрагасы болуп дайындалды. Бул тууралуу “Барометр” билдирет.

Шайлоо бүгүн, 30-июнда шаардык кеңештин жыйынында өттү.

Аны колдоп 41 депутат, каршы 2 депутат добуш берсе, 2 депутат добуш ыйгарган жок.

Конгантиевдин талапкерлигин «Эмгек», «Ата-Журт Кыргызстан», «Ишеним», «Өнүгүү-Прогресс» фракцияларынын турган коалициялык көпчүлүк сунуштады.

Конгантиев шаардык кеңештин 26-27-чакырылышынын депутаты болгон. Улуттук дзюдо федерациясын вице-президенти Борбордук Азия аймагындагы дзюдо күрөшү боюнча борбордун директору болуп саналат.