Коронавирустан айыккан 71 киши ооруканадан чыкты

Кыргызстанда коронавирустан айыккандардын саны 71 кишиге жетти. Бул тууралуу саламаттык сактоо министринин орун басары Нурболот Үсөнбаев маалымат жыйында билдирди.

“Өткөн сутка ичинде буга чейин COVID-19 диагнозу тастыкталган 4 бейтап айыгып, Жалал-Абад облусундагы Ала-Бука аймактык ооруканасынан чыгарылды, чыгып жатканда кайрадан жасалган анализдери терс деп көрсөткөн. Жалпы өлкө боюнча коронавирустан айыккан 71 бейтап ооруканадан чыгарылды”, - деди Үсөнбаев.

Соңку маалымат боюнча Кыргызстанда коронавирус 430 кишиге жукканы ырасталып, оорудан беш киши каза болду.