Коронавируска кабылгандардын эң көбү Ош облусунда. Калган аймактардагы абал кандай?

14-апрелге карата Кыргызстанда коронавирусун жуктургандардын саны 430 кишиге жетти. Бир сутка ичинде 11 жаңы учур аныкталганын саламаттык сактоо министринин орун басары Нурболот Үсөнбаев билдирди. Ал ошондой эле, вирустан 5 киши каза болгонун айтты.

Анын берген маалыматына ылайык, вирус жуктургандардын эң көбү Ош облусунда катталды. 14-апрелге карата Ош облусунда 128 кишиден коронавирус табылган. Калган аймактардагы абал төмөндөгүдөй:

Жалал-Абад облусунда – 93

Бишкек ш. – 77

Ош ш. – 59

Нарын облусунда – 34

Чүй облусунда – 28

Ысык-Көл облусунда – 6

Баткен облусунда – 5.

Коронавирус жуккандардын 230у аялдар, 200ү эркектер.