Коронавирус жуктурган дарыгерлер 104 болду

Кыргызстанда бир суткада 5 медициналык кызматкер коронавирус жуктуруп алган. Алардын ичинен Бишкек шаарында – 4, Нарын облусунда – 1. Жалпысынан республика боюнча COVID-19 диагнозу менен медициналык кызматкерлер арасында – 104 учур катталды. Бул тууралуу саламаттык сактоо министринин орун басары Нурболот Үсөнбаев маалымат жыйында билдирди.

Ал эми жалпы республика боюнча бир суткада 17 жаңы учур аныкталып, 466 кишиден коронавирус тастыкталды.