Коронавирус жукккандардын саны боюнча Россия экинчи орунга чыкты

Коронавирус илдети жуккандардын саны боюнча Россия АКШдан кийинки экинчи орунга чыкты. Учурда 232 243 кишиге коронавирус жукканы ырасталып, оору 2 116 кишинин өмүрүн алды.

Акыркы маалыматтар боюнча жер шарында коронавирустан 290 546 киши каза болду. Ал эми оору 4 миллион 231 миң 939 кишиге жукту. Ошол эле маалда 1 миллион 475 миң 346 киши оорудан сакайды.

Илдет илешкендердин саны боюнча АКШ биринчи орунда. 1 миллион 369 миң 314 кишиден вирус табылып, ал 82 340 кишинин өмүрүн алды.

Ошондой эле Испания, Улуу Британия, Италия, Франция, Бразилия, Германия, Түркия, Иран жана Кытайдын өзүндө абал турукташа элек. Күн сайын бул мамлекеттерде дагы оору жуккандардын саны артууда.