Коронавирус жуккандар менен 8 842 киши контакта болгон

23-апрелге карата Кыргызстан боюнча 631 кишиден коронавирус жукканы тастыкталды. Ушул кишилер менен 8 842 киши байланышта болгону ырасталганын саламаттык сактоо министринин орун басары Нурболот Үсөнбаев маалымат жыйында билдирди.

Ал ошондой эле оору жукканы тастыкталгандар менен катышта болгондордун саны эпидемиологиялык изилдөөлөрдүн жүрүшүндө өзгөрүшү ыктымалдыгын кошумчалады.

- Жакын байланыштар (I категория) – 2 177;

- Башка байланыштар (II категория) – 6 665.

Үсөнбаев андан сырткары Кыргызстан боюнча обсервацияда 914 адам жатканын белгиледи.