Коронавирус жуккан дарыгерлердин саны 79га жетти

Кыргызстанда коронавирустун козгогучу 79 дарыгерге жукканы тастыкталды. Бул тууралуу саламаттык сактоо министринин орун басары Нурболот Үсөнбаев маалымат жыйында билдирди.

Ал ошондой эле, 13-апрелге карата 16 медицина кызматкеринен коронавирус табылган. Жаңы аныкталган учурлар төмөнкү аймактардан табылган:

Бишкек шаары – 9,

Ош облусунда – 4,

Ош шаарында – 2,

Баткен облусунда – 1.

Жалпы республика боюнча коронавирус жуккан бейтаптардын саны 419га жетти. Анын ичинде эң көп учур Ош облусунда катталды.